Hverja er hlustað á? Um sértækan stuðning, kyn og leikskólabörn

Kristín Dýrfjörð skrifar

Í gær 1. apríl birtust nýjar tölur um leikskóla, efni sem ég hef alltaf áhuga á. Ég er að skrifa færslu hér á Laup um allt annað sem ég ætlaði að styðja með tölum og fór þá að skoða Hagstofu gögnin, og sá þá þessar sláandi tölur.

En hvað vakti athygli mína? Tölur um stuðning sem börn fá í leikskólum. Það skiptir máli að átta sig á að tölur um sértækan stuðning eru yfirleitt birtar sem meðaltal alls hópsins (1-5 ára). Við vitum og það sést hjá Hagstofunni að það eru afar fá börn á öðru og þriðja ári sem fá stuðning. En svo er áhugavert að skoða, hvernig skiptingin er milli drengja og stúlkna þegar börnin eldast. Hagstofan safnar ekki upplýsingum um vegna hvers börn fá stuðning. Það væri hins vegar afar áhugavert að rýna í slíkar tölur tengdar kyni.

Fyrir nokkrum áratugum sat ég í jafréttisnefnd Reykjavíkur. Eitt af verkefnum hennar var að fara fram á að borgastofnanir kyngreindu upplýsingar sínar og gerðu jafnréttisáætlanir. Ein þeirra stofnana sem vakti athygli var Borgarspítalinn sem var á þeim tíma borgarstofnun. Þegar skýrslur þaðan voru skoðaðar kom í ljós að innlagnir voru ekki greindar eftir kyni. En þegar kallað var eftir slíku og farið var að rýna í tölur kom í ljós að á sumum deildum voru karlar í miklum meirihluta þeirra sem fengu innlögn. Mun stærra hlutfall heldur en tíðni viðkomand sjúdóms á milli kynja, speglaði. Tölur segja sögur.

Þurfa drengir frekar stuðning en stúlkur?

Síðustu ár hefur verið mikil umræða í samfélginu um stöðu drengja. Ég velti fyrir mér hvort það geti verið að drengir þurfi allra jafnan meiri sértækan stuðning eb stúlkur (1 af hverjum 4, fimm ára drengja á móti 1 af hverjum 8 stúlkum á sama aldri fá stuðning) – eða heyrir fólk betur þegar mál drengja eru sett fram? Hvað er AÐ.

Hvað er það sem þessi gögn segja okkur? Hvaða sögur eru hér sagðar og ósagðar?

Alþjóðlegur samanburður

Á það skal líka bent að íslensku heildartölurnar spegla alþjóðleg gögn. Börnin okkar eru á svipuðu róli varðandi heildarstuðning og börn víða annar staðar. Þau gögn benda til þess að verulegur hluti leikskóla barna þurfi á einhvers konar stuðningi að halda í námi og þroska. Í samanburðarrannsóknum OECD kemur fram að aukinn fjölbreytileiki í barnahópum sé norm fremur en undantekning og að snemmtæk menntun skipti lykilmáli til að draga úr ójöfnuði og styðja við þátttöku allra barna.

• Facebook

Tags: Leikskólastarf